გორში, კომბინატის დასახლებაში გადასასვლელ ხიდზე, შესაძლოა, სატვირთო მოძრაობა აიკრძალოს.
საკითხს გორის საკრებულომ კენჭი მომდევნო სხდომაზე უნდა უყაროს.
“აღნიშნული ხიდი სპეციალისტების აზრით არის დაზიანებული. აღნიშნული საკითხი შეისწავლა გორის მუნიციპალიტეტის მერიამ საქართველოს შსს-ს საპატრულო პოლიციის დეპარტამენტის შიდა ქართლის მთავარ სამმართველოსთან ერთად და მიზანშეწონილად მიაჩნია, რომ აღნიშნულ ხიდზე დროებით აიკრძალოს სატვირთო მოძრაობა”, – წერია განკარგულებაში, რომელიც მერიამ საკრებულოს წარუდგინა.
დოკუმენტის მიხედვით, სატვირთო ავტომობილებით მოძრაობისთვის განისაზღვრება სხვა მიმართულება.
დატოვეთ კომენტარი