სოფელ ბერშუეთში შინაგან საქმეთა სამინისტროს თანამშრომლებზე თავდასხმის ბრალდებით პოლიციამ ოთხი პირი დააკავა.
გავრცელებული ინფორმაციით, საქმე ეხება ორი დღის წინ მომხდარ ინციდენტს, რომელშიც განსაკუთრებულ დავალებათა დეპარტამენტის თანამშრომლები და ადგილობრივები ფიგურირებენ.
შსს-ში აცხადებენ, რომ დაკავებულებს სამსახურეობრივი მოვალეობის შესრულების დროს პოლიციელებზე თავდასხმას ედავებიან.
2 დაკავებულია საქართველოს სსკ-ის 353-ე პრიმა მუხლის პირველი ნაწილით რაც პოლიციელზე, თავდასხმას გულოსხმობს სამსახურებრივ საქმიანობასთან დაკავშირებით. დანაშაული ისჯება თავისუფლების აღკვეთით 4-დან 7 წლამდე.
2 დაკავებულია საქართველოს ა.ს.კ-ის 173-ე მუხლის პირველი ნაწილით, რაც სამსახურეობრივი მოვალეობის შესრულების დროს სამართალდამცავი ორგანოს თანამშრომლის, პოლიციელის, კანონიერი განკარგულებისადმი ან მოთხოვნისადმი დაუმორჩილებლობა, ან ამ პირის სიტყვიერი შეურაცხყოფა ან/და მის მიმართ სხვა შეურაცხმყოფელი ქმედების განხორციელებას გულისხმობს. დანაშაული გამოიწვევს დაჯარიმებას ან 15 დღემდე ვადით ადმინისტრაციულ პატიმრობას.
