30 აგვისტოს, გორის თენგიზ ბურჯანაძის სახელობის სტადიონზე „დილა“ თბილისის „საბურთალოს“ დაუპირისპირდა და მეტოქე ანგარიშით 3-0 დაამარცხა.
შეხვედრის დებიუტში, მე-5 წუთზე „დილა“ ბრაზილიელმა ლეგიონერმა, ალეფ სანტოსმა დააწინაურა.
55-ე წუთზე რევაზ ჩიტეიშვილმა გორელთა უპირატესობა ორამდე გაზარდა, ხოლო შეხვედრის საბოლოო გოლი თორნიკე კაპანაძემ მატჩის 72-ე წუთზე გაიტანა.
აღნიშნული გამარჯვება გორელებმა ორ თვიანი პაუზის შემდეგ მოიპოვეს და ამ გამარჯვებით უშუალო მეტოქეს, ქუთაისის „ტორპედოს“ ცხრილში გადაასწრეს.
„დილა“ საქართველოს კრისტალბეთ ეროვნულ ლიგაში მე-4 ადგილზე იმყოფება და საევროტურნირო ზონაში მყოფ „სამგურალს“ 2 ქულით ჩამორჩება.
ჩემპიონატის დასრულებამდე 13 ტურია დარჩენილი.
დატოვეთ კომენტარი
