გორის მუნიციპალიტეტში მცხოვრები ახალგაზრდებისთვის ბაკურიანში ,,საზაფხულო ბანაკი 2022’’ იხსნება. ინიციატივა გორის მერს უკითხვნის.
გორის მერიის ინფორმაციით, ბაკურიანში 200-მდე ახალგაზრდა გაემგზავრება.
პროექტში მონაწილეობას შეძლებენ:
- გორის მუნიციპალიტეტის საჯარო და კერძო სკოლების 2021-2022 სასწავლო წლის კურსდამთავრებულები;
- გორის მუნიციპალიტეტის საჯარო და კერძო სკოლების მე-12 კლასელები;
- გორის სახელმწიფო სასწავლო უნივერსიტეტის სტუდენტები;
მსურველებმა უნდა შეავსონ სააპლიკაციო ფორმა: https://docs.google.com/…/1FAIpQLScng2Qk4g14rP…/viewform
როგორ მერიაში ამბობენ, ბანაკისთვის ახალგაზრდების შერჩევა მოხდება ორ ეტაპად:
- დოკუმენტაციის გადარჩევა;
- გასაუბრება;
“ბანაკის წევრებს ჩაუტარდებათ ტრენინგები შემდეგი თემების შესახებ: სტრესის მართვა ეფექტური კომუნიკაცია, სამოქალაქო აქტივიზმი და მისი ფორმები, ადგილობრივი თვითმმართველობა და ამომრჩეველი, ადგილობრივი პრობლემების ანალიზი და ადვოკატირება”, – ვკითხულობთ მერიის განცხადებაში.
უწყების თქმით, ასევე დაგეგმილია სხვადასხვა შემეცნებითი, კულტურული, სპორტული და გასართობი აქტივობებიც.
თითოეულ ნაკადზე ბაკურიანში 50 ახალგაზრდა გაემგზავრება. ისინი საზაფხულო ბანაკში 4 სრული დღე დარჩებიან.
პროექტის ხარჯები ადგილობრივი ბიუჯეტიდან დაიფარება.