24-25 აპრილს, აღდგომასა და მიცვალებულთა ხსენების დღეს, 08:00-18:00 საათებში, გორის მუნიციპალიტეტის ტრანსპორტის სააგენტო, კვერნაქის სასაფლაოს მიმართულებით, უფასოდ უზრუნველყოფს მგზავრთა გადაყვანას.
სააგენტოს ინფორმაციით, უფასო მარშრუტები შესრულდება ვერხვების, კომბინატის, წმინდაწყლის და ჭალის დასახლებებიდან:
- ვერხვების დასახლება – მამარდაშვილის მემორიალიდან – კვერნაკის ყოვლადწმინდა სამების ტაძრის მიმდებარედ;
- კომბინატის დასახლება – ცენტრალური მოედანი – კვერნაკის ყოვლადწმინდა სამების ტაძრის მიმდებარედ;
- წმინდაწყლის დასახლება – ყიფიანის და ნადირაძის ქუჩების კვეთა – კვერნაკის ყოვლადწმინდა სამების ტაძრის მიმდებარედ;
- ჭალის დასახლება – მერიის ადმინისტრაციული შენობის მიმდებარედ – კვერნაკის ყოვლადწმინდა სამების ტაძრის მიმდებარედ.
“ყველა მარშრუტი შუალედურ გაჩერებას გააკეთებს სამებისა და აღმაშენებლის ქუჩების კვეთაზე. მოძრაობის ინტერვალი იქნება – 1 საათი” , – აცხადებენ ტრანსპორტის სააგენტოში.
უწყების განმარტებით, მგზავრობა უფასო იქნება მხოლოდ მითითებულ მარშრუტებზე, ხოლო ყველა სხვა მარშრუტზე მუნიციპალური ტრანსპორტი იმოძრავებს ჩვეული რეჟიმით 07:00-დან 20:00 საათამდე.
დატოვეთ კომენტარი