გორის მუნიციპალიტეტის მერია სტიქიის დროს დაზიანებული კორპუსის სახურავების შეკეთებისთვის 158 139 ლარს ხარჯავს.
უწყებამ გამარტივებული შესყიდვა განახორციელა და ხელშეკრულება შპს აღმაშენებელი 2012-ს გაუფორმა.
“ხელშეკრულებით გათვალისწინებულ შესყიდვის ობიექტს წარმოადგენს გორში, ბარნოვის ქ. N9-ში და თარხნიშვილის ქ. N21-ში მდებარე საცხოვრებელი ბინის სახურავის რეაბილიტაციის სამუშაოები” , – ვკითხულობთ ხელშეკრულებაში.
ამავე დოკუმენტიდან ირკვევა, რომ კომპანიამ სარეაბილიტაციო სამუშაოები ხელშეკრულების გაფორმებიდან 30 დღეში უნდა დაასრულოს.
ხელშეკრულება მერიასა და შპს აღმაშენებლი 2012-ს შორის 11 აგვისტოს გაფორმდა.
დატოვეთ კომენტარი
