ხაშურის მერია სამ სოფელში ხიდების რეაბილიტაციას გეგმავს 

ხაშურის მუნიციპალიტეტის მერიამ სამ სოფელში ხიდების რეაბილიტაციისთვის ტენდერი გამოაცხადა, რისთვისაც ადგილობრივი ბიუჯეტიდან 52 273 ლარი გაითვალისწინა. 

პროექტის მიხედვით, მერია გეგმავს ხიდების რეაბილიტაციას სოფლებში: 

• სოფელ რბონაში მდ. მტკვარზე გადასასვლელი ხიდის რეაბილიტაცია;

• სოფელ სათივეში მდ. მტკვარზე გადასასვლელი ხიდის რეაბილიტაცია;

• დაბა სურამში იტრიის დასახლებაში, მდინარე სურამულაზე გადასასვლელი საფეხმავლო ხიდის რეაბილიტაცია.

სატენდერო პირობების მიხედვით, შერჩეულმა კომპანიამ სამუშაოები ხელშეკრულების გაფორმებიდან 35 დღეში უნდა დაასრულოს. 

ფოტო: ვალერი ზანგური