ქარელის მუნიციპალიტეტის სოფელ დირბში ახალგაზრდა მამაკაცი დაჭრეს. ის საავადმყოფოში მიყვანის შემდეგ გარდაიცვალა.
არსებული ინფორმაციით, გარდაცვლილი მამაკაცი თბილისში ცხოვრობდა და აღდგომის დღესასწაულთან დაკავშირებით, იმყოფებოდა სტუმრად სოფელ დირბში.
“შემთხვევა სოფელში ერთ-ერთ სუპერმარკეტთან მოხდა.გარდაცვლილი როგორც ვიცი თბილისიდან იყო ჩამოსული. სხვა დეტალები მეც არ ვიცი”, – ამბობს მირიან დოღანაძე, მერის წარმომადგენელი სოფელ დირბში.
მომხდარზე გამოძიება სისხლის სამართლის კოდექსის 108-ე მუხლით დაიწყო, რაც განზრახ მკვლელობას გულისხმობს.
დატოვეთ კომენტარი
