გორის კეთილმოწყობის სააგენტოში, დირექტორის მოადგილეებს ხელფასი 300 ლარით გაუზარდეს.
“გორის მერის მეგობარია ორივე მოადგილე და ხელფასებიც 300-300 ლარით მხოლოდ მათ მოუმატეს. დანარჩენ თანამშრომლებს მხოლოდ ის, სავალდებულო 10%-იანი მატება შეგვეხო, რაც ძალიან მიზერულია. მაგალითად, მეეზოვეების ხელფასი, საშუალოდ, 800 ლარი გახდა“, – ამბობს სააგენტოს ერთ-ერთი თანამშრომელი.
ამჟამად, სააგენტოს დირექტორის მოადგილეების ხელფასი 1 700 ლარია. როგორც უწყების ხელმძღვანელი ამბობს, თემურ გელიტაშვილს და დავით მარტიაშვილს ანაზღაურება იანვარში გაეზარდათ.
“მოვუმატეთ, 300 ლარით, 1700 გავუხადეთ და ამით მათი ანაზღაურება მსგავსი პოზიციისთვის განსაზღვრულ ხელფასს დავუთანაბრეთ“, – გვითხრა გიორგი ბარჯაძემ.
ინფორმაციისთვის, თემურ გელიტაშვილი და დავით მარტიაშვილი ყოფილი სპორტსმენები არიან. ისინი, კეთილმოწყობის სააგენტოს დირექტორის მოადგილეებად მას შემდეგ დაინიშნენ, რაც გორის მერი ვლადიმერ ხინჩეგაშვილი გახდა.