მეჯვრისხევთან მომხდარი ავარიის დროს დაშავებული რეანიმაციულ განყოფილებაში რჩება – ამის შესახებ “მოზაიკას” სამხედრო ჰოსპიტალის საზოგადოებასთან ურთიერთობის სამსახურის ხელმძღვანელმა უთხრა.
“დაშავებული რეანიმაციულ განყოფილებაში და მკურნალობა უტარდება“, – გვითხრა ია თინიკაშვილმა.
შეგახსენებთ, რომ გუშინ, მეჯვრისხევთან მომხდარი ავტოსაგზაო შემთხვევის შედეგად ერთი ადამიანი გარდაიცვალა, ერთი კი დაშავდა.
შინაგან საქმეთა სამინისტომ გამოძიება 276-ე მუხლის მეექვსე ნაწილით დაიწყო, რაც ავტომობილის, ტრამვაის, ტროლეიბუსის, ტრაქტორის ან სხვა მექანიკური სატრანსპორტო საშუალების ნარკოტიკული, ფსიქოტროპული ან ახალი ფსიქოაქტიური ნივთიერების ზემოქმედების ქვეშ მართვას გულისხმობს, რამაც ადამიანის სიცოცხლის მოსპობა გამოიწვია.
დატოვეთ კომენტარი
