გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა ქარელის მუნიციპალიტეტის სოფელ ახალსოფლის მიმდებარედ, მდინარე მტკვარში 13 თევზის მახე ე.წ ოჩხი აღმოაჩინეს.
“უკანონო თევზჭერასთან ბრძოლის ფარგლებში, შიდა ქართლში პრევენციული ღონისძიებები გატარდა. ქარელის მუნიციპალიტეტის სოფელ ახალსოფლის მიმდებარედ, მდინარე მტკვრიდან ამოღებულია 28 საბურავისგან დამზადებული 13 ერთეული თევზმახე ე.წ. ოჩხი, რომელშიც 100 კილოგრამზე მეტი სხვადასხვა სახეობის თევზი იყო გაბმული”, – ინფორმაციას გარემოსდაცვითი ზედამხედველობის დეპარტამენტი ავრცელებს.
უწყების ცნობით, შიდა ქართლის რეგიონული სამმართველოს თანამშრომლებმა თევზი მდინარეში დააბრუნეს.
დატოვეთ კომენტარი
