ხაშურის კულტურის სახლის რეაბილიტაციაზე ტენდერი მომავალ კვირას გამოცხადდება, – ამის შესახებ ინფორმაცია “მოზაიკას” ხაშურის ინფრასტრუქტურის სამსახურის უფროსმა გიორგი პაპიაშვილმა მიაწოდა.
მისი თქმით, ამ ეტაპზე მიმდინარეობს სატენდერო დოკუმენტაციის მომზადება.
“მომდევნო კვირაში გამოცხადდება ტენდერი და დასრულდება კულტურის სახლის რეაბილიტაცია, რაც შეეხება 2 კომპანიას, რომლებსაც გასულ წელს კულტურის სახლის რეაბილიტაცია უნდა შეესრულებინა, ვერ შეასრულეს ნაკისრი ვალდებულებები და გატარდა მათ წინააღმდეგ საჯარიმო ღონისძიებები”, – განმარტა პაპიაშვილმა.
ინფორმაციისთვის, გასულ წელს ხაშურის კულტურის სახლის რეაბილიტაციის სამუშაოები “ინშაათ საქართველოს” უნდა შეესრულებინა, თუმცა მან ნაკისრი ვალდებულებების შესრულება ვერ მოახერხა, რის გამოც ხელშეკრულება შეუჩერდა.
დატოვეთ კომენტარი
