გორში, ცხინვალის გზატკეცილზე, ავტოსადგური მიმდებარედ ახალი გარე განათების სისტემა მოეწყო, – აღნიშნულის შესახებ ინფორმაცია გორის მერიამ გაავრცელა.
უწყების ცნობით, პაპიტაშვილის ქუჩიდან კარალეთის დევნილთა ჩასახლებამდე, გზის 740 მეტრიან მონაკვეთზე დამონტაჟდა 112 ენერგოეფექტური ლედ-ნათურა და 56 გარეგანათების ლითონის ბოძი.
“გზის აღნიშნულ მონაკვეთზე, სადაც ორმხრივი მოძრაობაა, გარეგანათებასთან ერთად მიმდინარეობს სამხრეთისკენ მიმავალი ცალმხრივი მოძრაობის ზოლის რეაბილიტაციაც. პროექტი გარდამავალია და მომავალ წელს დასრულდება”, – ნათქვამია ინფორმაციაში.
შეგახსენებთ, რომ ცხინვალის გზატკეცილზე, ავტოსადგურამდე მისასვლელი გზის რეაბილიტაციის დასასრულებლად თანხა მომავალი წლის ბიუჯეტშიც გათვალისწინებულია 167 777 ლარის ოდენობით.
დატოვეთ კომენტარი
