24-25 აპრილს, აღდგომასა და მიცვალებულთა ხსენების დღეს, 08:00-18:00 საათებში, გორის მუნიციპალიტეტის ტრანსპორტის სააგენტო, გარკვეულ მარშრუტებზე, უფასოდ უზრუნველყოფს მგზავრთა გადაყვანას.
ინფორმაციას სააგენტო ავრცელებს. მგზავრთა უფასო გადაყვანა შემდეგ მარშრუტებზე განხორციელდება:
- ვერხვების დასახლება – მამარდაშვილის მემორიალიდან – კვერნაკის ყოვლადწმინდა სამების ტაძრის მიმდებარედ;
- კომბინატის დასახლება – ცენტრალური მოედანი – კვერნაკის ყოვლადწმინდა სამების ტაძრის მიმდებარედ;
- წმინდაწყლის დასახლება – ყიფიანის და ნადირაძის ქუჩების კვეთა – კვერნაკის ყოვლადწმინდა სამების ტაძრის მიმდებარედ;
- ჭალის დასახლება – მერიის ადმინისტრაციული შენობის მიმდებარედ – კვერნაკის ყოვლადწმინდა სამების ტაძრის მიმდებარედ.
“ყველა მარშრუტი შუალედურ გაჩერებას გააკეთებს სამებისა და აღმაშენებლის ქუჩების კვეთაზე. მოძრაობის ინტერვალი – 1 საათი”, – განმარტავს სააგენტო.
სააგენტოს განმარტებით, მგზავრობა უფასო იქნება მხოლოდ მითითებულ მარშრუტებზე, ხოლო ყველა სხვა მარშრუტზე მუნიციპალური ტრანსპორტი იმოძრავებს ჩვეული რეჟიმით 07:00-დან 20:00 საათამდე.
დატოვეთ კომენტარი
