გორის მუნიციპალიტეტის მერიამ პლანშეტური კომპიუტერების შესაძენად ტენდერი გამოაცხადა.
უწყებას 15 ცალი პლანშეტისთვის 11 000 ლარი გაითვალისწინა.
“პლანშეტები მერიის თანამშრომლებისთვის არის განკუთვნილი საველე პირობებში მუშაობის დროს, ძირითადად ზედამხედველობის სამსახურისთვის”, – ამბობენ მერიაში.
სატენდერო დოკუმენტაციიდან ირკვევა, რომ პლანშეტური კომპიუტერები უნდა აკმაყოფილებდეს შემდეგ მოთხოვნებს:
- ეკრანის ზომა არანაკლებ 10.1″ არაუმეტეს 12.9″;
- რეზოლუცია არანაკლებ 1280 X 800;
- SIM მხარდაჭერა;
- უსადენო კომუნიკაცია: Wi-Fi/hotspot/bluetooth;
- 4G სტანდარიტი LTE ტექნოლოგია;
- ოპერატიული მეხსიერება: არანაკლებ 3 GB;
- შიდა მეხსიერება არანაკლებ 32 GB;
- კამერა: ფრონტალური არანაკლებ 5 MP, ძირითადი არანაკლებ 8 MP, ავტოფოკუსი;
- GPS ნავიგაცია;
- აუდიო სისტემა: დინამიკი და მიკროფონი.
კომპლექტაცია: უნდა მოყვებოდეს ჩანთა(კეისი), რომელსაც უნდა გააჩნდეს სადგამი ფეხი, დასაკეცი ფეხი, გახსნილ მდგომარეობაში მაგიდაზე დადგმის შესაძლებლობით. შესაბამისი აკუმულატორი, სატენი, USB სადენი.
დატოვეთ კომენტარი
