გორის მერიამ ერთ დღეში 345 727 ლარის  14 გამარტივებული შესყიდვა განახორციელა

გორის მუნიციპალიტეტის მერიამ 23 აგვისტოს, ერთდროულად 14 გამარტივებული შესყიდვა განახორციელა, რომლის ჯამური ღირებულება 345 727 ლარია.

თითოეული ხელშეკრულების ღირებულება 5 000 ლარზე მეტია და უკავშირდება “სოფლის მეურნეობის პროგრამის” ფარგლებში განსახორციელებელ პროექტებს.

გზების მოხრეშვა, ამბულატორიების რეაბილიტაცია, სკვერების მოწყობა, საბავშვო ბაღების ეზოს რეაბილიტაცია – ეს იმ სამუშაოების არასრული ჩამონათვალია, რომელიც გორის მუნიციპალიტეტის 28-ზე მეტ სოფელში განხორციელდება.

რადიო “მოზაიკა” გთავაზობთ, 14-ვე ხელშეკრულებით გათვალისწინებული სამუშაოების ჩამონათვალს:

1. პატარა ხურვალეთში, საყავრეში, ფიცესში და წითელწყაროში, პირუტყვის დასაწყურებლების მოწყობის სამუშაოები – ხელშეკრულების ღირებულება შეადგენს 33 382.8 ლარს;
2. სოფელ ღვარებში შიდა საუბნო გზების მოხრეშვის სამუშაოები – ხელშეკრულების ღირებულება შეადგენს 9 587.50 ლარს;
3. ქვემო ნიქოზში სარწყავი არხის მოწყობის სამუშაოები – ხელშეკრულების ღირებულება შეადგენს 14 515 ლარს;
4. სოფელ თორტიზაში და დიდ გარეჯვარში, სკვერების მოწყობის სამუშაოები; ხელშეკრულების ღირებულება შეადგენს 31 028.63 ლარს;
5. სოფელ ერგნეთში სკვერის მოწყობის სამუშაოები – 23 679 ლარი;
6. სოფელ არაშენდაში  არსებული სკვერის და სატრენაჟორო სივრცის შემოღობვის, ხოლო სოფელ ვარიანში საბავშვო ბაღის ეზოს კეთილმოწყობის სამუშაოები – 34 626.99 ლ;
7. სოფელ ფხვენისში  საფეხბურთო ხელოვნურსაფარიანი მინი მოედნის და საჭიდაო არენის სარეაბილიტაციო სამუშაოები –  14 011.85 ლარი;
8. სოფელ კარბში და მერეთში საბავშვო ბაღის ეზოების კეთილმოწყობის სამუშაოები – 30 845.72 ლარი;
9. სოფელ დეგეულაში, მუმულაანთ კარში, დიდი ატენში და ბერბუკში  სანიაღვრე არხის მოწყობის სამუშაოები – 37 886.65 ლარი;
10. სოფელ ბერშუეთში და ზეღდულეთში  სასაფლაოსთან მისასვლელი გზის გასწვრივ ღობის მოწყობის სამუშაოები  – 29 188.54 ლარი;
11. სოფელ ზარდიაანთკარში და ზემო რეხაში  სასაფლაოსთან მისასვლელი გზის გასწვრივ ღობის მოწყობის სამუშაოები – 31 611 ლარი;
12. სოფლებში – ქვემო რიეთი, ზემო ბოშური და ბობნევი,  სკვერების მოწყობის სამუშაოები – 30 963 ლ;
13. სოფლებში – ნადარბაზევი, ხიდისთავი ამბულატორიების სარეაბილიტაციო სამუშაოები – 37 000 ლ;
14. სოფლებში – ციცაგიაანთკარი და კვარხეთი  ამბულატორიების სარეაბილიტაციო სამუშაოები  – 27 406 ლარი.