ქარელის მოსახლეობას მეორე დღეა სასმელი წყალი არ მიეწოდება. პრობლემის შესახებ ადგილობრივებმა ინფორმაცია სოციალურ ქსელში გაავრცელეს.
“ამ სიცხეში რომ ქალაქს წყალი არ ექნება, უნდა გამოიყვანო წყალკანალის უფროსი და მერე, იმის მაღლა ვინც არიან და ამ შუა მზეში დაყარო ქუჩაში და მწყურვალე უნდა ამყოფო”, – წერენ მოქალაქეები.
“გუშინდელი დღიდან დაწყდა. გვითხრეს რაღაც დაზიანებაა და საღამის 6:00 საათამდე მოვაო”.
წყალმომარაგების კომპანიის შიდა ქართლის რეგიონული ფილიალის ხელმძღვანელის, კონსტანტინე თავზარაშვილის ინფორმაციით, დაზიანდა ტრანსფორმატორი, რის გამოც ქალაქს წყლის მიწოდება დროებით შეუწყდა.
“ტრანსფორმატორია დაზიანებული, 18:00 საათამდე პრობლემა მოგვარდება. სახლეობა ინფორმირებულია ამის შესახებ”, – განმარტა თავზარაშვილმა.
დატოვეთ კომენტარი
