გორის სერგი მაკალათიას სახელობის ისტორიულ – ეთნოგრაფიულ მუზეუმში აღდგომის დღესასწაულთან დაკავშირებით გამოფენა გაიხსნა, – ინფორმაციას გორის მერია ავრცელებს.
“გამოფენაზე წარმოდგენილია მუზეუმის ფონდში დაცული საეკლესიო შინაარსის XVII-XIX საუკუნეების ხელნაწერები და პირველნაბეჭდი წიგნები, საეკლესიო ნაქარგობები და სიწმინდეები. გამოფენა ამაღლების დღესასწაულამდე (25 მაისამდე) გაგრძელდება”, – ნათქვამია მერიის მიერ გავრცელებულ ინფორმაციაში.
ინფორმაციისთვის, მასალების დიდი ნაწილი გორის ოქონის ტაძრის კუთვნილებას წარმოადგენდა და საუფლო დღესასწაულების დროს გამოიყენებოდა.
დატოვეთ კომენტარი
