“ხელოვნების სახლი” გორში ახალ პროექტს ART HOUSE 20 23-ის განხორციელებას იწყებს, რომლის ფარგლებშიც აცხადებს “თავისუფალი სახელოვნებო ინიციატივების კონკურსს”.
“სახელოვნებო პროცესების აქსელერაციისთვისა და ახალგაზრდა არტისტების ხელშეწყობა / პოპულარიზაციისთვის ვაცხადებთ მცირე საგრანტო კონკურსს, რომლის ფარგლებშიც გაზაფხულის სეზონზე დაფინანსდება 3 პროექტი”.
კონკურსის პირობები ასეთია:
- კონკურსში მონაწილეობის მიღება შეუძლია გორის მუნიციპალიტეტში მცხოვრებ 30 წლამდე ნებისმიერ პირს.
- ინიციატივა შეუძლიათ წარმოადგინონ როგორც ფიზიკურმა პირებმა, ასევე საინიციატივო ჯგუფებმა ან/და ორგანიზაციებმა.
- ინიციატივა შეიძლება ეხებოდეს ქუჩის მხატვრობას, მუსიკალურ ივენთს, სკულპტურას, აუდიო/ვიდეო ინსტალაციას, ფოტო/კინო პროექტის განვითარებას, ბეჭდური პროდუქციის გამოცემას, პერფორმანსს, პლენერი/სკეჩინგის და ა.შ.
- ინიციატივის ხარჯი არ უნდა აღემატებოდეს 1000 (ათასი) ლარს. რომლის მიზნობრიობაც იქნება ნამუშევრის შესაქმნელი მასალის ხარჯი, არტისტის, ტექნიკური ჯგუფის ჰონორარი (არაუმეტეს 10%-ისა)
- განაცხადები მიიღება 4 აპრილიდან 18 აპრილის ჩათვლით 00:00 საათამდე.
- შერჩეული ინიციატივები გამოცხადდება არაუგვიანეს 20 აპრილისა.
მსურველებს შეუძლიათ შეავსონ სარეგისტრაციო ფორმა ბმულზე: https://forms.gle/eSQmhY9QafDSWK4B7
პროექტი “ART HOUSE 20 23” ხორციელდება გორის მუნიციპალიტეტის მერიის კულტურული ღონისძიებების პროექტების ხელშეწყობისა და თანადაფინანსების პროგრამის დაფინანსებით.
დატოვეთ კომენტარი
