გვანცა დოლუაშვილის მასალამ ევროკავშირის მხარდაჭერით გამოცხადებულ მედიაკონკურსში გაიმარჯვა

“მოზაიკას” დირექტორის და მთავარი რედაქტორის, გვანცა დოლუაშვილის მასალამ  ევროკავშირის მხარდაჭერით გამოცხადებულ მედიაკონკურსში გაიმარჯვა. 

გამარჯვებული მასალა: რატომ უჭირთ ახალგაზრდებს დასაქმება და ვის რისი გაკეთება შეუძლია მათ მხარდასაჭერად?

ახალგაზრდობის თემატიკაზე, CENN-ისა და ჟურნალისტიკის რესურსცენტრის (JRC) მიერ გამოცხადებულ კონკურსში, გვანცა დოლუაშვილის სტატია საუკეთესო ტექსტურ-გრაფიკულ მასალად დასახელდა. 

მასალა ეხებოდა იმ ახალგაზრდებს, რომლებიც სამსახურს ვერ შოულობენ და ქვეყანაში საკუთარი შესაძლებლობის რეალიზებას ვერ ახერხებენ. 

კონკურსში გამარჯვებულები კიდევ ორ ნომინაციაში გამოვლინდნენ: 

• საუკეთესო აუდიო-ვიზუალური მასალა – მარიამ ყვავაძე, მეცხრე ტალღა
• საუკეთესო აუდიო მასალა, გიორგი ედიშერაშვილი, რადიო “კახეთის ხმა”