ხაშურელი ახალგაზრდები ბაკურიანში, ინოვაციურ ბანაკში გაემგზავრნენ 

ხაშურის მუნიციპალიტეტში მცხოვრები 15-19 წლის 13 ახალგაზრდა ბაკურიანში – ინოვაციურ ბანაკში გაემგზავრა, – ინფორმაციას ხაშურის მერია ავრცელებს. 

უწყების ცნობით, პირველ ინოვაციურ ბანაკში, რომელიც ორგანიზებულია კასპის ტექნოპარკისა და საქართველოს ინოვაციებისა და ტექნოლოგიების ფონდის მიერ, ახალგაზრდები ცოდნას შეიძენენ შემდეგი მიმართულებებით:

• შესავალი ტექნოლოგიებში და თანამედროვე პროფესიები ტექნოლოგიებში;
• სამეწარმეო (entrepreneurship) უნარები და აზროვნება;
• აზროვნების დიზაინი (Design Thinking);
• პროდუქტის ბრენდინგი, მომხმარებელთან კომუნიკაციის საფუძვლები;
• პროდუქტის ბაზარზე მორგება (product-market fit);
• პროდუქტის განვითარება და მართვა – პროტოტიპი და MVP;
• Arduino – შესაძლებლობები და რესურსები;
• Smart City და Smart Village ტექნოლოგიები – საგნების ინტერნეტი (IoT – Internet of Things), მონაცემთა მეცნიერება, ხელოვნური ინტელექტი (AI), მანქანური სწავლება (ML), ღრმა დასწავლა (DL), ა.შ.
• Pitching, Pitch Deck მომზადება;

გაიმართება შეხვედრები ტექნოლოგიურ სტარტაპების წარმომადგენლებთან. ღონისძიების განმახორციელებელი კომპანია ქლევერტონი. ბანაკის მონაწილეები ორგანიზატორებმა კონკურსის ფარგლებში მომზადებული სამოტივაციო წერილების საფუძველზე შეარჩიეს.