გორის მუნიციპალიტეტში სამოქალაქო ბიუჯეტის ფარგლებში საინფორმაციო შეხვედრები იწყება

გორის მუნიციპალიტეტში სამოქალაქო ბიუჯეტის ფარგლებში საინფორმაციო შეხვედრები იწყება, მერიის ცნობით, შეხვდრები 14 ივნისიდან დაიწყება. 

სამოქალაქო ბიუჯეტის ფარგლებში, მუნიციპალიტეტში შემავალი ადმინისტრაციული ერთეულები დაჯგუფებულია 7 ზონად.

ინფრასტრუქტურული, ახალგაზრდული, საგანმანათლებლო, სპორტული, კულტურული და სოციალური საპროექტო ინიციატივების წარდგენის უფლება აქვს გორის მუნიციპალიტეტის ტერიტორიაზე მცხოვრებ მოქალაქეს 16 წლიდან.

ინფორმაციისთვის, გორის მუნიციპალიტეტის 2024 წლის ბიუჯეტში სამოქალაქო ბიუჯეტისთვის გამოყოფილია 3 000 000 ლარამდე.