“კონსერვატიულ მოძრაობას” მიმდინარე წელს თანხა შიდა ქართლიდან ორჯერ შესწირეს.
პრორუსულმა პარტიამ შემოწირულობა გორში და კასპში მცხოვრები მოქალაქეებისგან მიიღო, ჯამში 1 600 ლარის ოდენობით.
კერძოდ, გორელმა ალექსანდრე ბრეგვაძემ პარტიას ამ წელს 600 ლარი შესწირა. აღსანიშნავია, რომ ბრეგვაძეს ბოლო ერთ წელში, პარტიისთვის ჯამში 6 340 ლარი აქვს გადარიცხული.
რაც შეეხება კასპელ გიგა კარბელაშვილს, მან პარტიას წელს 1 000 ლარი შესწირა, მანამდე კი “კონსერვატიული მოძრაობისთვის” იგივე ოდენობის თანხა 4-ჯერ ჰქონდა გადარიცხული. ამ დროისთვის, მისგან პარტიას 5 000 ლარის დაფინანსება აქვს მიღებული.
აღსანიშნავია, რომ არც ალექსანდრე ბრეგვაძის და არც გიგა კარბელაშვილის სახელზე არანაირი ბიზნესი რეგისტრირებული არ არის, მათ წილები არც კომპანიებში უფიქსირდებათ.
დატოვეთ კომენტარი
