გორში 3 ივნისს მარათონული გარბენი გაიმართება.
გორის მერიის ცნობით. ღონისძიება სტარტს 11:00 საათზე აიღებს.
“ღონისძიება სტარტს გორის კულტურისა და ახალგაზრდობის ცენტრის მიმდებარე ტერიტორიაზე (მშვიდობის გამზირი 12/ა) აიღებს და სპორტის სასახლესთან (თამარ მეფის ქუჩა V/12 ა) დასრულდება. მარათონში მონაწილეობის მიღება ნებისმიერ მსურველს შეუძლია. რეგისტრაცია 10:00 საათიდან დაიწყება”, – ნათქვამია მერიის განცხადებაში.
უწყების ცნობით, გამარჯვებულები, როგორც ვაჟებს, ასევე, გოგონებს შორის დაჯილდოვდებიან ფულადი პრიზებით:
- პირველი ადგილი – 500 ლარი;
- მეორე – 300 ლარი;
- მესამე -200 ლარი ლარი.
შეჯიბრება „შიდა ქართლის სპორტული თამაშები 2023“-ის ფარგლებში ტარდება. „შიდა ქართლის სპორტული თამაშები“ პირველად 2022 წელს ჩატარდა. ღონისძიება გასულ წელსაც მარათონული გარბენით გაიხსნა. მიმდინარე წელს „შიდა ქართლის სპორტული თამაშების“ ფარგლებში შეჯიბრებები კალათბურთში, ფეხბურთსა და ქართულ ჭიდაობაშიც ჩატარდება.
