“ქარელის მუნიციპალიტეტში , ძამის ხეობაში ზღუდერი – გვერძინეთის გზა არ გაუწმენდიათ და არც მარილი დაუყრიათ”, – ინფორმაციას ამის შესახებ მარიამ ქელეხსაშვილი ავრცელებს.
მისი თქმით, გზის ამ მონაკვეთზე ავტომობილებით გადაადგილება შეფერხებულია.
“მასწავლებლებს, რომლებიც ზღუდერის სკოლაში ასწავლიან, ფეხით მოუწიათ სკოლამდე მისვლა, გვერძინეთის სკოლა კი გარე სამყაროსაა მოწყვეტილი”, – გვითხრა მარიამ ქელეხსაშვილმა, რომელიც გვერძინეთის სკოლაში ქართულს ასწავლის.
მარიამის თქმით, ეს პირველი შემთხვევა არ არის და ამ მონაკვეთზე გზა არასოდეს იწმინდება.
დატოვეთ კომენტარი
