გორში ცეცხლსასროლი იარღის უკანონო შენახვისთვის ერთი პირი დააკავეს, – ინფორმაციას ამის შესახებ შსს ავრცელებს. უწყების ცნობით თბილისსა და რეგიონებში ცეცხლსასროლი იარაღის უკანონოდ შენახვის ფაქტზე 8 ადამიანი დააკავეს.
“შიდა ქართლის პოლიციის დეპარტამენტის თანამშრომლებმა 1967 წელს დაბადებული ზ.ი., მოსამართლის განჩინების საფუძველზე, ცეცხლსასროლი იარაღისა და საბრძოლო მასალის უკანონო შეძენა-შენახვის ბრალდებით, გორში დააკავეს, 1963 წელს დაბადებული გ.ჩ. კი ამავე დანაშაულში ამხილეს”, – ნათქვამია ინფორმაციაში.
სამართალდამცველებმა, ბრალდებულების საცხოვრებელ სახლებში ჩატარებული ჩხრეკის შედეგად, ნივთმტკიცების სახით ამოიღეს „ბერეტას“ ტიპის პისტოლეტი, სხვადასხვა კალიბრის დიდი რაოდენობით საბრძოლო ვაზნა, ასევე, მჭიდები.
დატოვეთ კომენტარი
