NAITS -ის სისტემაში ა(ა)იპ მიუსაფარი შინაური ცხოველების მართვის შიდა ქართლის ინტერმუნიციპალური სააგენტო ჩაერთვება”, – ამის შესახებ ინფორმაციას აღნიშნული სააგენტო ავრცელებს.
სურსათის ეროვნული სააგენტოს FAO-ს წარმომადგენლები გორის მუნიციპალიტეტის მიუსაფარ ცხოველთა სააგენტოს თანამშრომლებს შეხვდნენ და ელექტრონული სისტმის ტექნიკურ ნაწილი და ფუნქციები გააცნეს.
“NAITS არის ერთიანი ელექტრონული სისტემა და საქართველოს მასშტაბით აერთიანებს ინფორმაციას შინაური ცხოველების შესახებ, ასევე, მათი ადგილსამყოფელის, ჯანმრთელობასთან დაკავშირებული საკითხებისა და მფლობელების შესახებ. NAITS II მიზნად ისახავს უზრუნველყოს სისტემის მდგრადობა და გრძელვადიან პერსპექტივაში გავლენა იქონიოს ცხოველთა ჯანმრთელობაზე”, -ნათქვამია ინფორმაციაში.
NAITS-ის სისტემა ამ ეტაპზე 25 სხვადასხვა მოდულისგან შედგება. მასში დარეგისტრირებულია სურსათის ეროვნული სააგენტოს ასობით ვეტერინარი და ინსპექტორი, თავმოყრილია მონაცემები მილიონზე მეტ მსხვილფეხა საქონელსა და მათ მფლობელებზე.
ინფორმაციისთვის, საქართველო რეგიონში პირველი ქვეყანაა, რომელმაც NAITS-ი დანერგა. მისი შექმნის პროცესში გათვალისწინებულია საქართველოში არსებული რეალობა და კანონმდებლობა, ასევე ევროკავშირისა და ევროკავშირის კანდიდატი ქვეყნების გამოცდილება.
