“ტვ მონიტორინგზე” თავდამსხმელებიდან ერთ-ერთს ქარელის პოლიციამ მართვის მოწმობა ერთი წლით ჩამოართვა.
არაოფიციალური ინფორმაციით, რადიკალური დაჯგუფების წევრი, ჟურნალისტებზე განხორციელებული ძალადობის შემდეგ, ქარელის ქუჩებში ავტომობილს მთვრალი მართავდა.
ჯერჯერობით შსს-ში ამ საკითხთან დაკავშირებით ოფიციალური კომენტარი არ გაუკეთებიათ. მხოლოდ ის არის ცნობილი, რომ სპეციალურმა საგამოძიებო სამსახურმა მედიასაშუალებით გავრცელებული ინფორმაციის საფუძველზე, ჟურნალისტურ საქმიანობაში უკანონოდ ხელის შეშლის ფაქტზე, საქართველოს სისხლის სამართლის კოდექსის 154-ე მუხლის პირველი ნაწილით გამოძიება დაიწყო.
დატოვეთ კომენტარი
