კასპში სპორტულ-სამეჯლისო ცეკვების შეჯიბრი “შიდა ქართლის თასი 2022” გაიმართება. ინფორმაციას ღონისძიების შესახებ კასპის სპორტული გაერთიანება ავრცელებს.
“15 მაისს, 11 საათზე სპორტკომპლექსის კალათბურთის დარბაზში გაიმართება სარეიტინგო შეჯიბრი სამეჯლისო-სპორტულ ცეკვებში. მონაწილეობას მიიღებენ საქართველოს ყველა რეგიონიდან წარმოდგენილი სპორტკლუბები და ინდივიდუალური შემსრულებლები”, – აცხადებენ კასპის სპორტულ გაერთიანებაში.
მათივე ცნობით, ღონისძიებას უმასპინძლებს გიორგი მჭედლიშვილის სპორტული ცეკვების სტუდია “მზის სხივი”. ღონისძიებაზე დასწრება ნებისმიერ მსურველს შეეძლება.
დატოვეთ კომენტარი
