შიდა ქართლის მიუსაფარ ცხოველთა ინტერმუნიციპალურ სააგენტოს გორის მუნიციპალიტეტის საკრებულოს წევრმა “ქართული ოცნებიდან”, მიხეილ გოგინაშვილმა პლედები გადასცა, – ინფორმაციას ამის შესახებ სააგენტო ავრცლებს.
“სააგენტოში სტუმრად იმყოფებოდა გორის მუნიციპალიტეტის საკრებულოს წევრი, მიშა გოგინაშვილი, რომელმაც ჩვენი ცუგებისთვის თბილი ქვეშაგები და პლედები გადმოგვცა. დიდი მადლობა ბატონ მიშას გაწეული დახმარებისთვის”, – ნათქვამია ინფორმაციაში.
ინფორმაციისთვის, შინაური მიუსაფარი ცხოველების შიდა ქართლის ინტერმუნიციპალური სააგენტო 4 თვეა რაც ფუნქციონირებს. სააგენტო ემსახურება ხაშურის, ქარელის, გორის და კასპის მუნიციპალიტეტებს. სააგენტოს ძირითად მოვალეობაში შედის მიუსაფარი ძაღლების და კატების სტერილიზაცია-კასტრაცია ასევე ავადმყოფი და ნაავარიები ძაღლის და კატის მკურნალობა.
