ცესკოს წინასწარი მონაცემებით, გორში ყველა მაჟორიტარული ოლქი “ქართულმა ოცნებამ” მოიგო. რაც შეეხება პროპორციულის შედეგებს, “ოცნებამ” გორში ხმების 80% მიიღო.
ეს იმას ნიშნავს, რომ გორის 35-წევრიან საკრებულოში, 25 წევრს “ქართული ოცნება” მაჟორიტარების სახით, 8 წევრს კი – პროპორციული სიით შეიყვანს.
რაც შეეხება სხვა პარტიებს, მათ გორის საკრებულოში, პირველადი მონაცემებით, 2 ადგილი შეხვდება.
შეგახსენებთ, რომ “ქართული ოცნების” გარდა გორის საკრებულოში მოსახვედრად იბრძოდნენ:
- “ლელო – ძლიერი საქართველო”, რომელმაც ხმების 7.4% მიიღო.
- “კონსერვატორები საქართველოსთვის”, რომელმაც ხმების 4.1% მიიღო.
- “გახარია საქართველოსთვის”, რომელმაც ხმების 3.8% მიიღო.
- “გირჩი”, რომელმაც ხმების 2.9% მიიღო.
- “საქართველოს პატრიოტთა ალიანსი”, რომელმაც ხმების 0.93% მიიღო.
გორის ოლქში 111 784 ამომრჩეველი იყო რეგისტრირებული. არჩევნებში მონაწილეობა მათმა 40.66%-მა მიიღო.
დატოვეთ კომენტარი
