ქარელის მუზეუმიდან გაათავისუფლეს თანამშრომელი, რომელიც პროევროპულ აქციებში მონაწილეობდა.
ლელა ეკალაძეს ა(ა)იპ ქარელის მუნიციპალიტეტის კულტურისა და ხელოვნების დაწესებულებების გაერთიანებამ შრომითი ხელშეკრულება აღარ გაუფორმა. ეკალაძე მუნიციპალური ა(ა)იპ-ის დაქვემდებარებაში არსებულ მხარეთმცოდნეობის მუზეუმში სპეციალისტად მუშაობდა.
ამავე თემაზე: გორის და ქარელის ა(ა)იპ-ებში თანამშრომლებს ერთ-თვიანი ხელშეკრულებები გაუფორმეს
მუზეუმის სხვა თანამშრომლების მსგავსად, წლის დასაწყისში ხელმძღვანელობამ მასაც ერთ-თვიანი ხელშეკრულება გაუფორმა. ვადის ამოწურვის შემდეგ კი, სხვა თანამშრომლებისგან განსხვავებით, მას ხელშეკრულება აღარ გაუგრძელეს.
“მე აღარ გამიფორმეს ხელშეკრულება, შემიწყვიტეს”, – გვითხრა ლელა ეკალაძემ და დამატებით დეტალებზე საუბარი ამ ეტაპზე არ ისურვა.
ლელა ეკალაძე ქარელში პროევროპულ აქციებში მონაწილეობდა.
