ქარელის მუნიციპალიტეტის მერიამ 2023-2026 წლების საშუალოვადიანი სამოქმედო გეგმა შეიმუშავა.
უწყების ინფორმაციით, სამოქმედო გეგმაზე მუშაობის პერიოდში მოხდა მოსახლეობის გამოკითხვა და გამოიკვეთა მუნიციპალიტეტის განვითარების ძირითადი მიმართულებები და ასევე ბიუჯეტში გასათვალისწინებელი პრიორიტეტული პროგრამები, საიდანაც ერთ-ერთი ინფრასტრუქტურის განვითარებაა.
ინფრასტრუქტურის განვითარებისთვის გამოყოფილი თანხების ნაწილი გზების მშენებლობას, რეაბილიტაციას და მოვლა-პატრონობას მოხმარდება. ამ ყველაფრისთვის ქარელის მერია მომავალი ოთხი წლის განმავლობაში 6 741 600 ლარის დახარჯვას გეგმავს.
კერძოდ, საგზაო ინფრასტრუქტურის მშენებლობა რეაბილიტაციისთვის თანხები ასეა გადანაწილებული:
- 2023 წელი – 2 221 800 ლარი;
- 2024 წელი – 1 627 100 ლარი;
- 2025 წელი – 1 374 600 ლარი;
- 2026 წელი – 1 118 100 ლარი.
მერიას თანხები გათვალისწინებული აქვს შიდა გზების მოვლა პატრონობისთვისაც:
- 2023 წელი – 100 000 ლარი;
- 2024 წელი – 100 000 ლარი;
- 2025 წელი – 100 000 ლარი;
- 2026 წელი – 100 000 ლარი.
დოკუმენტიდან ასევე ვიგებთ, რომ 2023 წელს დაგეგმილია გზების რეაბილიტაცია-მშენებლობა ქვენატკოცაში, აგარაში და ქვემო ხვედურეთში.
