საქართველოს მოსამართლეების ნაწილი ქვეყანაში მიმდინარე მოვლენებს ეხმაურება. ისინი გმობენ ძალადობას და ემიჯნებიან კონსტიტუციის 78-ე მუხლის საწინააღმდეგო იმ გადაწყვეტილებას, რომელიც “ქართულმა ოცნებამ” მიიღო.
ერთობლივ განცხადებას ხელს აწერენ გორის რაიონული სასამართლოს მოსამართლეები ნინო გერგაული და ლევან დარბაიძე.
“ჩვენ, საქართველოს მოსამართლეებს, მიგვაჩნია, რომ ჩვენი კონსტიტუციური მოვალეობაა, დღეს, საკუთარი პოზიციის ხმამაღლა და არაორაზროვნად დაფიქსირება კანონის უზენაესობის ჭრილში, ადამიანის უფლებების დასაცავად და ქვეყნის ევროპული მომავლის უზრუნველსაყოფად. პროფესიული ეთიკის ფარგლებში, ვიცავთ პოლიტიკურ ნეიტრალიტეტს ქვეყანაში მიმდინარე პოლიტიკურ პროცესებთან მიმართებით, ამავდროულად, ვგმობთ ძალადობას, ვემიჯნებით ნებისმიერ გადაწყვეტილებას და ნაბიჯს, რომელიც წინააღმდეგობაში მოდის საქართველოს კონსტიტუციის 78-ე მუხლის მოთხოვნებთან. ერთგულნი ვრჩებით ღვთისა და ერის წინაშე დადებული მოსამართლის ფიცის და მიგვაჩნია, რომ საქართველოს ევროპულ ინტეგრაციას ალტერნატივა არ აქვს. საქართველოს ადგილი იქ არის, სადაც ადამიანის ღირსება, თავისუფლება და მშვიდობა ყველაზე მთავარი ღირებულებებია! მაშასადამე, საქართველოს ადგილი ევროპაშია!” – ვკითხულობთ განცხადებაში.
ხელს აწერენ:
- ლევან დარბაიძე
- მადონა მაისურაძე
- ეკა არეშიძე
- მანანა მესხიშვილი
- ციცინო კიკვაძე
- თამარ ჩიხლაძე
- დევი დევიძე
- თამარ ხაჟომია
- დავით წერეთელი
- ქეთევან მესხიშვილი
- ვლადიმერ ხუჭუა
- ეკატერინე გასიტაშვილი
- ნინო გერგაული
- ლაშა დადეშქელიანი
- თეა სოხაშვილი-ნიკოლაიშვილი
- მამუკა წიკლაური
- ლელა ნოზაძე.
