“ფარულობის დარღვევა, აგიტაცია საარჩევნო უბანთან, საუბნო კომისიის მიერ ფუნქციების არაჯეროვნად შესრულება”, – ეს არასრული ჩამონათვალია იმ დარღვევებისა, რომლებიც დამკვირვებლებმა გორში გახსნილ საარჩევნო უბნებზე დააფიქსირეს.
არჩევნების დღეს საარჩევნო ოლქში 11 საჩივარი შევიდა, აქედან 8 საჩივარი ოპოზიციური პარტიების წარმომადგენლებმა დაწერეს.
საჩივრები დაიწერა მე-17, 41-ე, 84-ე, 51-ე, მე-14, 94-ე, 24-ე, 33-ე, 26-ე, მე-40-ე, 56-ე, 77-ე, მე-80-ე და 84-ე უბანზე.
“საარჩევნო უბნის გარდა, “ქართული ოცნების” აგიტატორები ეწეოდნენ აგიტაციას, პროპაგანდას, ზეწოლას ახორციელებდნენ ამომრჩეველზე მუქარით, ფაქტზე რეაგირება არ ჰქონდა კომისიის თავმჯდომარეს, თამარ ლაფაჩს. ვითხოვთ, მოხდეს აღნიშნულ ფაქტზე რეაგირება და დაჯარიმდეს უბნის თავმჯდომარე”, – ნათქვამია ერთ-ერთ საჩივარში, რომელიც ენმ-ს წარმომადგენელმა 51-ე საარჩევნო უბანზე დაწერა.
ოპოზიციის წარმომადგენლების საჩივარი უბნის გარეთ აგიტაციასა და ამომრჩეველზე ზეწოლის ფაქტზე დაიწერა მე-14 საარჩევნო უბანზეც.
“ქართული ოცნების” აგიტატორები დგანან საარჩევნო უბნის გარეთ და ეწევიან აგიტაციას. არ იცავენ კანონს და არ შორდებიან უბანს 100 მეტრის რადიუსით. ეს პიროვნება გახლავთ დარეჯან შატბერაშვილი”.
საჩივრების ნაწილი ეხება უბნებზე ამომრჩევლისთვის ორი ბიულეტის მიცემას, ასევე ბიულეტინზე გაკეთებული არჩევანის ფარულობის დარღვევის ფაქტებს. ერთ-ერთი ასეთი ფაქტი დაფიქსირდა 41-ე უბანზე.
“გორში, 41-ე საარჩევნო უბანზე დაფიქსირებულია მნიშვნელოვანი დარღვევა, კერძოდ მარკერით გაფერადებული ადგილი გადმობრუნებულ ბიულეტინზე ჩანს, ამომრჩევლის ნების ფარულობა არ არის დაცული, ხილვადი იყო კომისიის წევრისათვის, თამარ ყულიაშვილისთვის. დაფიქსირდა შემთხვევა, როცა თამარ ყულიაშვილმა “ქართული ოცნების” წარმომადგენელს, გიორგი მდინარაძეს მიაწოდა ინფორმაცია ამომრჩევლის ინდეტიფიცირებული არჩევანის შესახებ. აქედან გამომდინარე ირღვეოდა ამომრჩევლის ნების ფარულობა. ვითხოვთ, კომისიის თავმჯდომარეს დაეკისროს დისციპლინური პასუხისმგებლობა”.
საჩივრების დაწერა გრძელდება – დამკვირვებლები დაფიქსირებული კანონდარღვევების შესახებ შეგროვებულ მასალებს განიხილავენ და საჩივრებს საოლშო წარადგენენ.
