ქარელის მერიამ კეთილმოწყობის სამსახურისთვის დამატებით 2 ნაგავმზიდი შეიძინა. უწყებამ აღნიშნული შესყიდვა კონსოლიდირებული ტენდერით განახორციელა, რისთვისაც საერთო ჯამში 1 მლნ ლარზე მეტს გადაიხდის.
კომპანიას, რომელმაც ნაგავმზიდების მიწოდება უზრუნველყო, მერიამ ხელშეკრუელბა გასულ წელს გაუფორმა, ხელშეკრულების ღირებულებამ 1 000 780 ლარი შეადგინა.
“საქართველოს რეგიონებში მუნიციპალური ინფრასტრუქტურის განვითარების მიზნით მუნიციპალიტეტებისათვის ნაგავმზიდების სახელმწიფო შესყიდვის კონსოლიდირებული ტენდერების საფუძველზე, ქარელის მუნიციპალიტეტისათვის შეძენილ იქნა 2 ნაგავმზიდი. ნაგავმზიდები სამსახურეობრივი მოვალეობის შესასრულებლად გადაეცემა ა(ა)იპ ,,ქარელის კეთილმოწყობის ცენტრს“.”, – აცხადებენ ქარელის მერიაში.
ხელშეკრულების მიხედვით, ერთი ნაგავზიდის ფასი 500 390 ლარი იყო. ამ დროისთვის, ქარელის მერიას კომპანიისთვის საავანსო თანხა, 400 312 ლარი აქვს გადახდილი.
