ხაშურის მუნიციპალიტეტის მერიის ინფორმაციით, სოფელ ნაბახტევთან დამაკავშირებელი ხიდი დაზიანდა. უწყების ცნობით, შემთხვევის შედეგად არავინ დაშავებულა.
“დაზიანდა სოფელ ნაბახტევთან დამაკავშირებელი ხიდი. შემთხვევის დროს არავინ დაშავებულა.
ამ ეტაპზე მიმდინარეობს გამომწვევი მიზეზების დადგენა. ადგილზე იმყოფებიან შიდა ქართლში სახელმწიფო რწმუნებულის პირველი მოადგილე სიმონ გულედანი, ხაშურის მუნიციპალიტეტის მერის მოადგილე ზვიად ქურდაძე, ა(ა)იპ “ხაშურსერვისის” ხელმძღვანელობა. მოწყობილია მოძრაობის შემაკავებელი ბარიერები. მუნიციპალიტეტი ყველა საჭირო ღონისძიებას გაატარებს ხიდის დროულად აღდგენისთვის. მანამდე კი მოსახლეობას ვთხოვთ, ისარგებლონ სოფელ ნაბახტევთან დამაკავშირებელი მოქმედი ალტერნატიული ხიდით”, – ნათქვამია განცხადებაში.
დატოვეთ კომენტარი
