სურამისა და ხაშურის ეპარქიას ადგილობრივმა ხელისუფლებამ რკინა-ბეტონის 42 ბოძი აჩუქა.
როგორც საკრებულოს სხდომაზე, ხაშურის მერიის ეკონომიკური სამსახურის უფროსმა განმარტა, ბოძების მიღების თხოვნით, მერიას საქართელოს საპატრიარქომ მიმართა.
“საქართველოს საპატრიარქოდან შემოსულია თხოვნა 42 რკინა-ბეტონის ბოძის გადაცემასთან დაკავშირებით, რომელიც დასაწყოებულია სოფელ ნაგარებში. საპატრიარქოს წერილში აღნიშნულია, რომ მათ ეს ბოძები მინისტარის დასახლებაში ეპარქიის საკუთრებაში არსებული მიწის შემოსაღობვად სჭირდებათ”, – აღნიშნა სერგო ლალიაშვილმა.
მისივე თქმით, ბოძები საგზაო დეპარტამენტის საკუთრება იყო, რომლებიც მისი სამსახურის შუამდგომლობით, მერიას გადაეცა.
“ჩვენი შუამდგომლობით დეპარტამენტმა მერიას გადმოსცა, შემდგომში სურამისა და ხაშურის ეპარქიისთვის გადასაცემად”, – განმარტა სერგო ლალიაშვილმა.
საპატრიარქოსთვის ბოძების გადაცემას საკრებულოს წევრებმა მხარი დაუჭირეს. მათი გადაწყვეტილებით, სურამისა და ხაშურის ეპარქია რკინა-ბეტონის 42 ბოძს უსასყიდლოდ მიიღებს.
