ქვიშხეთში სახალხო დღესასწაული “ყიფიანობა” აღინიშნება.
ხაშურის სამუზეუმო გაერთიანების ინფორმაციით, ამ დღესთან დაკავშირებით სხვადასხვა აქტივობებია დაგეგმილი.
“26 აპრილს, ოთხშაბათს, ქვიშხეთში გაიმართება „ყიფიანობა, დიდი ქართველი მამულიშვილის, საქართველოს ეროვნულ-განმათავისუფლებელი მოძრაობის მედროშის, წმინდა დიმიტრი ყიფიანისადმი მიძღვნილი სახალხო დღესასწაული”, – ვკითხულობთ გაერთიანების განცხადებაში.
სახალხო დღესასწაული 11:00 საათზე, ქვიშხეთის აღდგომის ეკლესიაში, წმინდა დიმიტრი ყიფიანის სავედრებელი პარაკლისით დაიწყება და შემდეგ სახლ-მუზეუმში გამოსვლებით და კონცერტით გაგრძელდება.
დაგეგმილ აქტივობებზე დასწრება ყველა მსურველს შეეძლება.
დატოვეთ კომენტარი
