ზემო ოსიაური -ჩუმათელეთის გზის მონაკვეთზე 6 ხიდი უკვე აშენდა, – ინფორმაციას რეგიონალური განვითარების და ინფრასტრუქტურის სამინისტრო ავრცელებს.
უწყების ცნობით, ამ დროისთვის სამშენებლო სამუშაოები 5 გვირაბსა და 9 ხიდზე მიმდინარეობს.
“მათ შორის, პროექტის ფარგლებში, ყველაზე გრძელ, 648 მ. სიგრძის მქონე ხიდზე მიმდინარეობს სამუშაოები, ხოლო 6 ხიდი უკვე აშენებულია. აღნიშნულ მონაკვეთზე 6.4 კმ-იანი 4 ზოლიანი გზის, 11 ხიდისა და 5 გვირაბის მშენებლობაა გათვალისწინებული”, – ვკითხულობთ სამინისტროს განცხადებაში.
პროექტს მსოფლიო ბანკი აფინანსებს და სამუშაოების სახელშეკრულებო ღირებულება 264 992 488 ლარია.
“ზემო ოსიაური-ჩუმათელეთის მეორე მონაკვეთის საშუალებით ჩრდილოეთიდან გვერდს ავუვლით სურამს, ჩუმათელეთს და გამოვალთ რიკოთის გვირაბთან. ამ მონაკვეთით ხაშურის შემოვლითი გზა რიკოთის საუღელტეხილო გზას დაუერთდება”, – აღნიშნავს სამინისტრო.
