ქარელის მუნიციპალიტეტის მერიამ სახალხო დღესასწაულისთვის 28 000 ლარზე მეტი დახარჯა.
5 ნოემბერს ქალაქის ცენტრში “ქარელობა 2022” -ის ფარგლებში სხვადასხვა ღონისძიებები გაიმართა.
ყველაზე მეტი თანხა გალა-კონცერტისთვის დაიხარჯა, რისთვისაც მერიამ “ღამის შოუს” ბენდს 17 000 ლარი გადაუხადა.
რაც შეეხება სხვა ხარჯებს, ქარელის მერიამ ფოიერვერკისა და ატრაქციონების მოწყობისთვის ჯამში 4500 ლარი დახარჯა.
- ფოიერვერკი – 2500 ლარი;
- ატრაქციონები – 2000 ლარი;
- სცენის მოწყობა (კონცერტის გახმოვანება, განათება) – 7000 ლარი.
ღონისძიებების ფარგლებში დაჯილდოვდნენ ქარელის საპატიო მოქალაქეები, რომელთა ჯილდოებისთვისაც საერთო ჯამში 225 ლარი დაიხარჯა.
- საპატიო მოქალაქეებისთვის სასაჩუქრე დაფა – 125 ლარი;
- 5 სიგელი – 15 ლარი;
- სურათის ჩარჩოები – 85 ლარი.
სახალხო დღესასწაულისთვის მომსახურებების შესყიდვა ქარელის მუნიციპალიტეტის კულტურისა და სახელოვნებო ცენტრების გაერთიანებამ უზრუნველყო, რისთვისაც ჯამში 28 725 ლარი დაიხარჯა.
დატოვეთ კომენტარი
