შიდა ქართლში მარათონული რბენა მოეწყობა 

2 ივლისს, შიდა ქართლის რეგიონის ოთხივე მუნიციპალიტეტში – გორში, კასპში, ქარელსა და ხაშურში მარათონული გარბენი გაიმართება, – ამის შესახებ ინფორმაციას შიდა ქართლის გუბერნია ავრცელებს. 

“აღნიშნულ თამაშებში, გარდა მართონისა, გათვალისწინებულია შეჯიბრებების ჩატარება ფეხბურთში, ქართულ ჭიდაობასა და ძიუდოში. ღონისძიების მიზანია სპორტის და ჯანსაღი ცხოვრების წესის ხელშეწყობა და პოპულარიზაცია”, – ნათქვამია გავრცელბულ ინფორმაციაში. 

გარბენი ყველა ქალაქში წინასწარ შერჩეული მარშრუტის შესაბამისად მოეწყობა: 

გორი

სტარტი – კომბინატის კულტურის ცენტრის მიმდებარე ტერიტორია;

ფინიში – სპორტის სასახლე.

კასპი

სტარტი – ე.წ. “კოწახურა”ს ხიდის მიმდებარე ტერიტორია;

ფინიში – კასპის მუნიციპალიტეტის საკრებულოს შენობა.

ქარელი

სტარტი – ქარელის საცურაო აუზის მიმდებარე ტერიტორია სოფელ ლეთეთის მიმართულებით

ფინიში – სოფელ ლეთეთიდან საცურაო აუზის მიმართულებით

ხაშური

სტარტი – აღმაშენებლის ქუჩის დასაწყისი (ბორჯომის ქუჩის კვეთაზე) –

ფინიში – ხაშურის რკინიგზის სადგური – გმირების ხეივანი (პირველი საჯარო სკოლის მიმდებარედ).

მარათონის გამარჯვებულებს და საპრიზო ადგილებზე გასულებს გადაეცემათ თასები და მედლები.

უწყების ინფორმაციით მასში მონაწილეობა ნებისმიერ მსურველს შეუძლია.