შიდა ქართლის მიუსაფარ ცხოველთა მართვის სააგენტოს ხელმძღვანელის თამარ აფციაურის გათავისუფლების შემდეგ, გორში ცხოველთა უფლებადამცველებმა აქცია დაგეგმეს.
აქცია 5 ივნისს, 17:00 საათზე გორის ადმინისტრაციული შენობის წინ გაიმართება.
” თითქმის 10 წელია თავშესაფარს მართავს და ერთი ძაღლიც კი არ დაუძინებია. მომაკვდავი სახლში წამოუყვანია და დღემდე ჰყავს. უამრავჯერ მინატრია თბილისის თავშესაფარშიც მსგავსი დირექტორი, იმიტომ, რომ უბრალოდ ენითაღუწერელია მისი ცხოველებისადმი დამოკიდებულება”, – ამბობს ტასო ლოსაბერიძე, ცხოველთა უფლებადამცველი.
როგორც ცნობილია, თამარ აფციაური, საკრებულოს ყოფილმა წევრმა და “ქართული ოცნების” აქტივისტმა ბაქარ გიუნაშვილმა ჩაანაცვლა.
დატოვეთ კომენტარი
