როგორია გიორგი ხოჯევანიშვილის და ზაალ დუგლაძის ქონებრივი მდგომარეობა 2021-2022 წლების მონაცემებით – მაჟორიტარი დეპუტატების ქონებრივი დეკლარაციები “მოზაიკამ” შეადარა.
უძრავი ქონება
- გიორგი ხოჯევანიშვილს პირად საკუთრებაში 3 მიწის ნაკვეთი, 1 ბინა და 1 ავტოფარეხი აქვს რეგისტრირებული. კიდევ ერთი უძრავი ქონება საზიარო საკუთრებაშია – ყვარელში მდებარე 5361 კვ.მ ფართობის მქონე მიწის ნაკვეთის 50% ხოჯევანიშვილს, 50% კი ივანე ჭიტაშვილს ეკუთვნის. 1 სასტუმროს ტიპის საცხოვრებელი სახლი კი ხოჯევანიშვილის მეუღლის სახელზეა რეგისტრირებული.
ჯამში, გიორგი ხოჯევანიშვილის ოჯახი უძრავ ქონებებს ფლობს ბაკურიანში, თბილისში, კარალეთში, ყვარელსა და წავკისში – მათი ჯამური ფართობი კი დაახლოებით 69 000 კვ.მ-ია.
- ზაალ დუგლაძის პირად საკუთრებაშია 8 მიწის ნაკვეთი. კიდევ 1 მიწის ნაკვეთი, 1 ბინა და 1 ავტოფარეხი კი მისი მეუღლის სახელზეა რეგისტრირებული.
ჯამში, ზაალ დუგლაძის ოჯახი უძრავ ქონებებს ფლობს დუშეთში, თბილისსა და ყვარელში – მათი ჯამური ფართობი კი დაახლოებით 90 600 კვ. მ.-ია.
წილები კომპანიებში
ზაალ დუგლაძე 9 კომპანიის მეწილეა:
- შპს ვარციხის კონიაკის ქარხანა – 100%
- შპს ივერია ალკო – 100%
- ა შპს დუგლაძეების ღვინის კომპანია – 25,68%
- შპს ელექტრა-ელტედე – 25%
- შპს აისი ინკ – 34%
- შპს GIC – 50%
- შპს ვენი ვიდი ჯორჯია – 20%
- შპს მთაწმინდა-95 – 20%
- შპს ეფ ენდ კომპანი – 12,5%
ერთი კომპანიის მეწილეა დუგლაძის მეუღლე ეკატერინე დუგლაძე: შპს დი & ჯი – 50%
გიორგი ხოჯევანიშვილი 5 კომპანიის მეწილეა:
- შპს ჯი ენ კა გრუპი – 75%
- შპს ფრუტ ექსპორტ კომპანი – 100%
- შპს ჯეო ფრუტ ფროდაქშენი – 50%
- შპს გაზლენდი – 100%
- შპს დეკერს ჯორჯია – 20%
2 კომპანიასთან აქვს კავშირი ხოჯევანიშვილის მეუღლე ნათია ჯავახს.
- შპს ნორბი საქართველო – 10%-იანი წილის მფლობელი
- შპს Master promotion – დირექტორი
დატოვეთ კომენტარი
