ქინძათში სკოლის ახალი შენობა შენდება

ხაშურის მუნიციპალიტეტის სოფელ ქინძათში სკოლის ახალი შენობა შენდება. 

ხაშურის მუნიციპალიტეტის სოფელ ქინძათში სკოლის  ახალი შენობის მშენებლობა მიმდინარეობს. პროექტი მუნიციპალური განვითარების ფონდის დაფინანსებით ხორციელდება, რაზეც 2 400 000 ლარია გათვალიწინებული.

საჯარო სკოლის ტერიტორია 6 250 კვადრატულ მეტრს მოიცავს, სადაც უკვე აშენდა თანამედროვე სტანდარტების მქონე შენობა და ეზოში მოეწყო სპორტული მოედანი.

“შეუფერხებლად მიმდინარეობს სამშენებლო პროცესი, ძირითადი სამუშაოები დასრულებულია”, – ამბობენ ხაშურის მერიაში. 

ქინძათის საჯარო სკოლა ხაშურის მუნიციპალიტეტის 3 სოფელს მოემსახურება, სადაც 100 მოსწავლე ისწავლის და 22 პედაგოგია დასაქმებული. მერიის ცნობით, ახალ სასწავლო წელს ქინძათის მოსწავლეები განახლებულ სკოლაში შეხვდებიან.