გორის მუნიციპალიტეტის სკოლების პედაგოგთა დაახლოებით 65%-ს აქვს კორონავირუსის საწინააღმდეგო ვაქცინა მიღებული. ამის შესახებ, გორის საგანმანათლებლო რესურსცენტრის ხელმძღვანელმა განაცხადა.
სასწავლო პროცესი საკლასო ოთახებში 4 ოქტომბრიდან განახლდა.
“იმ სკოლებში, რომლებშიც საარჩევნო უბნები იყო განთავსებული, ჩატარდა დეზინფექცია. გვყავს ონლაინკლასებში დარეგისტრირებული მოსწავლეებიც, რომელთაც სურვილი გამოთქვეს დისტანციურ სწავლებაზე” , – აცხადებს ნანა ტერმაკოზაშვილი.
მისივე თქმით, 4 ოქტომბერს გორის მუნიციპალიტეტის სკოლებში 1 765 პირველკლასელი მივიდა.
დატოვეთ კომენტარი
