გორის მუნიციპალიტეტის სოფელ მერეთში პოლიციამ ერთ-ერთი საცხოვრებელი სახლის ჩხრეკისას 7 კილოგრამამდე “კანაფი” აღმოაჩინა. დააკავეს მამაკაცი და საქმემ სასამართლოში გადაინაცვლა.
“გ.გ-მ საცხოვრებელი სახლის ეზოში უკანონოდ დათესა და მოიყვანა კანაფი, საერთო წონით 6 754.82 გრამი, რაც ამოღებულ იქნა სახლის ჩხრეკისას” , – ირკვევა საქმის მასალებიდან.
საქმე მოსამართლე დავით დარბაიძემ განიხილა და ბრალდებულს 6-წლიანი პირობითი სასჯელი მიუსაჯა. გარდა ამისა, გ.გ-ს 6 წლით აეკრძალა სატრანსპორტო საშუალების მართვის უფლება და 10 წლით აეკრძალა საექიმო და ფარმაცევტული საქმიანობის უფლება.
სასამართლომ პოლიციას დაავალა ამოღებული “კანაფის” განადგურება.
დატოვეთ კომენტარი
