ახალი ამბები

გორის მუნიციპალიტეტის 14 სოფელს გაზის მიწოდება დროებით შეუწყდება

30 ივლისს, გორის მუნიციპალიტეტის 14 სოფელს ბუნებრივი გაზის მიწოდება შეეზღუდება. როგორც შპს „საქართველოს გაზის ტრანსპორტირების კომპანიის“ მიერ გავრცელებულ ინფორმაციაშია აღნიშნული, მიზეზი კომპანია „საგურამო-ქუთაისის“ მაგისტრალურ გაზსადენზე ავარიულ – აღდგენითი სამუშაეობის განხორციელებაა.

“შპს „საქართველოს გაზის ტრანსპორტირების კომპანია“ „საგურამო-ქუთაისის“ მაგისტრალურ გაზსადენზე, ავარიულ-აღდგენით სამუშაეობს განახორციელებს. აღნიშნული სამუშაოებიდან გამომდინარე, მიმდინარე წლის 30 ივლისს , 4:00 დან 11:00 საათამდე ბუნებრივი გაზის მიწოდება შეეზღუდებათ გორისა და კასპის მუნიციპალიტეტების სოფლებს. შპს „საქართველოს გაზის ტრანსპორტირების კომპანია“ სისტემატურად ახორციელებს გაზსადენებისა და გაზგამანაწილებელი სადგურების სარემონტო-სარეაბილიტაციო სამუშაოებს, რაც უზრუნველყოფს მომხმარებლების უსაფრთხო, საიმედო და უწყვეტ გაზმომარაგებას“, – აღნიშნულია შპს “საქართველოს გაზის ტრანსპორტირების კომპანიის” განცხადებაში.

ხვალ 7 საათის განმავლობაში გაზის მიწოდება შემდეგ სოფლებს შეუწყდებათ:

ნადარბაზევი, ნაწრეტი, შავშვები, წითელუბანი, ხურვალეთი, ხურვალეთის დევნილთა დასახლება, ახალშენი, ბერშუეთი, ზემო ახალსოფელი, ქვემო ახალსოფელი, ზემო სობისი, ქვემო სობისი, ზერტი, ზეღდულეთი, კირბალი, უფლისციხე, ქვახვრელი.

დატოვეთ კომენტარი
ტეგები